ابڙو اڪيڊمي Abro Academy
2020-07-22
داخلا نمبر 601
عنوان وهيو
شاخ پکي
پڙهيو ويو 494
داخلا جو حوالو:
وهيو
هي پکي جسامت ۾ 21 سينٽي ميٽر ٿئي ٿو. گلابي پٺي، ڪلها، ڇاتي ۽ پيٽ جو مٿيون حصو گلابي اٿس. مُنڍي، ڪنڌ، ڳچي ۽ پيٽ جو پويون حصو ، پَر ۽ پُچ به ڪارو اٿس. نَر جي منڍي اونهاري ۾ گلابي مائل ڪاري ٿي ويندي آهي ۽ مٿي جي چوٽي کنڊريل هوندي اٿس. چهنب گلابي پر پاڙ ڪاري ٿيندي اٿس. پوکن، گاهه جي ميدانن ۽ ميوي دار وڻن تي ڏسبو آهي. اڏامڻ مهل زور سان ” چِڪ ... اِڪ .... اِڪ .... اِڪ“ پئي هلندي اٿس. ولر ۾ رهندو آهي. اَنُ ۽ جيت کائيندو آهي، ان ڪري فصلن کي نقصان به پهچائي ٿو. مارچ کان جون تائين نسل وڌائي ٿو. اڪثر وڻن، ديوارن يا درياهي ڪپرن تي سوراخ ڪري آکيرو ٺاهيندو آهي. هي ماحول : 6 جو پکي آهي.